Prófin eru búin! (hjá næstum öllum, skulum ekkert ræða það meir… og ekki að tala um grunnskólaprófin) Og þess vegna ætlum við að vera með svaðalegan Amazing race/Mission impossible leik eftir fund Þeir sem ekki þekkja þennan leik VERÐA að mæta á fundinn, og hinir líka…

Þess vegna er mikilvægt að mæta stundvíslega svo að við getum byrjað leikinn á góðum tíma. Ef þú átt bíl, komdu þá á honum, það þarf bíl í þennn leik! Að öðru leiti verður fundurinn bara awesome eins og alltaf, orð og bæn, tónlist og Benjamín Ragnar Sveinbjörnsson ætlar að koma og tala

Hlakka til að sjá ÞIG á laugardaginn!

Krakkar það er kominn ÞRIÐJUDAGUR!

Það er komið að því að halda á bænastund, sem verður á Holtavegi 28 kl 20:15 í kvöld!
Ath. bænastundin er ekki Í Bústaðarkirkju eins og einhverjir héldu í síðustu viku!
Í kvöld ætlum við að eiga notalega stund með Guði og biðja saman, endilega sem flestir að láta sjá sig! Þú þarft ekki að hafa mætt á bænastund áður til þess að geta komið í kvöld, ALLIR VELKOMNIR!

Sjáumst kl 20:15 í kvöld á Holtavegi 28!
Dagrún

Þriðjudagur þýðir bara eitt krakkar! Bænastund!
Komið á Holtaveginn kl 20:15 og við höfum það notalegt og biðjum fyrir prófunum og því sem okkur liggur á hjarta!

Takið ykkur pásu frá lærdóminum krakkar! Ekki gott að læra yfir sig!

Sjáumst á eftir!
Dagrún

Já, á morgun er laugardagur! Á morgun er KSS fundur!

Halldór Elías ætlar að tala nokkur orð til okkar á fundinum, við ætlum að lofa Guð í tónlist og  fá orð og bæn, einnig verður skemmtiatriði á fundinum.
Eftir fund ætlum við að hafa það nokkuð kósý á Holtaveginum og horfa á bíómynd inni í sal, en þar sem margir eru í prófum viljum við einnig höfða til þeirra og hafa lærikvöld frammi.

Ég ætla ekki að láta þetta framhjá mér fara, ég ætla að lofa Guð og detta síðan beint í lærdómsgírinn fyrir mánudagsprófið!

Sjáumst á morgun!

Á morgun, þriðjudaginn 1. maí verður bænastund á Holtavegi 28!
Stundin byrjar klukkan 20:15 og gengið er inn á sama stað og venjulega
Við munum hafa það notalegt og biðja saman fyrir því sem okkur liggur á hjarta og hvet ég ykkur því eindregið til þess að mæta!

Í stuttu máli: Bænastund! Holtavegi! Kl 20:15!

Að vanda verður KSS fundur á Holtavegi 28 næsta laugardagskvöld, þann 28. apríl, sem er viðtökufundur nýrrar stjórnar KSS. VÚHÚ! Við munum hafa því svo háttað þetta árið að félagsmenn fá að giska á hvert okkar í stjórninni gegnir hvaða stöðu. Munuð þið fá seðil til að fylla út áður en þig gangið inn Síðan verður dregið úr réttum svörum og líklegast verður einhver vinningur.

Að öðru leiti verður fundurinn hefðbundinn með orð og bæn, tónlist og frábærum ræðumanni og dagskrá eftir fund verður auglýst á fundinum sjálfum Sjáumst á Holtaveginum, byrjum stundvíslega klukkan 20:30

Í gær var aðalfundur og þar var kosin ný stjórn félagsins til að stjórna félaginu næsta árið. Kosningarnar voru svakalegar og þurfti bráðabana til þess að komast að niðurstöðu um seinasta mann inn í stjórn. Í nýrri stjórn sitja:

• Dagrún Linda Barkardóttir
• Daníel Bergmann Ásmundsson
• Guðlaug María Sveinbjörnsdóttir
• Jón Guðmann Pálsson
• Páll Ágúst Þórarinsson

Til hamingju og leyfið Guði að starfa með ykkur á komandi ári.

Nú er komið að því…seinasti fundur þessarar stjórnar…og hann verður awesome! Við ætlum að hætta með stæl og biðjum þig, félagi góður, að taka kvöldið frá!

Fundurinn verður ekki beint hefðbundinn en við munum samt sem áður auðvitað vera með orð&bæn, tónlist og skemmtiatriði og síðan munuð þið heyra nokkur orð frá ykkar yndislegu stjórn sem er að hætta. Eftir fund munum við síðan skunda í partý.

Hann verður að sjálfsögðu á Holtavegi 28 og mun byrja á slaginu 20:30!

Núna á laugardaginn kl 13:00 verður haldinn aðalfuundur KSS. Hann verður haldinn á Holtavegi 28. Við í stjórninni hvetjum alla félagsmeðlimi að mæta á fundinn því ný stjórn verður kosin. Þetta er stjórn sem þið veljið og því er mikilvægt að kjósa það fólk sem þið treystið í stjórn! Það eru 11 frábærir einstaklingar að bjóða sig fram og því um að gera að mæta.

Endilega mættu og sýndu félaginu stuðning!

Framboðslistinn ætti að koma í kvöld.